നമ്മൾ

ഇവിടെ

നീയുണ്ട്

ഞാനുണ്ട്

നമ്മുടെ പ്രണയമുണ്ട്

വിരഹമുണ്ട്

വിടരാതടർന്ന

നമ്മുടെ കിനാക്കളുണ്ട്

കരയാതുറഞ്ഞ

നമ്മുടെ കണ്ണൂനീരുണ്ട്

പിന്നെ

നിന്റെ ചുണ്ടിൽ പതിഞ്ഞ

എന്റെ ചുണ്ടിന്റെ 

പ്രാർഥനാമുദ്രകളുണ്ട്.

രാസപദാര്‍ത്ഥം+രക്ഷാധികാരി=എന്തോ സാധിക്കാനാ

എന്‍ഡോസള്‍ഫാന്‍
നീ വിതച്ച ദുരിതങ്ങള്‍
ഇല്ല, നിനക്കാവില്ല കാണാനൊരിക്കലും
നീ വെറുമൊരു രാസപദാര്‍ത്ഥം

എന്മകജെ
നീ അനുഭവിക്കുന്ന ദുരിതങ്ങള്‍
ഇല്ല, സഹിക്കാനാവില്ല ഒരാള്‍ക്കും
നീയാണല്ലോ രക്തസാക്ഷി

എന്തോ സാധിക്കാനാ
നീ കൊയ്യും നേട്ടങ്ങള്‍
ഇല്ല നിരോധിക്കാനാവില്ലൊരിക്കലും
നീമാത്രമാണ് രക്ഷാധികാരി

കാക്കപൊന്ന്

പൊന്‍തൂവല്‍ ചാര്‍ത്തിയോരാ ഏട്ടനൊപ്പം
പൊന്നിന്‍ നിറമുള്ള തൂവലുമായി
കൂടട്ടെ ഞാനും ഒരു പേരില്‍
ഒരേ തൂവല്‍ പക്ഷിക്കൂട്ടത്തില്‍